 |
| كل ما تريد معرفته عن قسم الهندسة الكهربية (مجال الدراسة ومجال العمل والكورسات) |
>>>مقدمة عامة عن القسم:
قسم الهندسة الكهربية من أهم و أعرق و أقوى أقسام كلية الهندسة و من
أكثر الأقسام التى تحتاج إليها البشرية والتى من غيرها تختفى كل معالم
العصر الحديث و عصر التكنولوجيا. و أيضا هو من أفضل الأقسام من حيث توافر
فرص العمل.
بعد المقدمة دى تعالى بقى ببساطة نحاول نوضح أهم وظائف مهندسين كهرباء.و إيه مجالات عمل مهندس الكهرباء و طبيعة العمل.
يعنى مهندس الكهرباء ممكن يشتغل فين؟ و إيه الدور اللى هيقوم بيه؟
يعنى وظائف مهندسين كهرباء تختلف حسب نوع الشركة أو الجهة اللى هيشتغل
فيها و نفس الشركة ممكن يكون فيها اكثر من وظيفة مهندس كهرباء و ممكن نفس
المسمى الوظيفى يكون موجود فى انواع مختلفة من الشركات.
>>> مجالات الهندسة الكهربية:
طيب تعالى الأول نتكلم بشكل عام عن مجالات تطبيق الهندسة الكهربية أو العلم و المعرفة اللى ممكن مهندس الكهرباء يكون ملم بيها:
– عملية توليد الطاقة و إنتاج الكهرباء و نقلها و توزيعها و الجهد العالى و الجهد المتوسط
– كيفية عمل و تشغيل و صيانة الأجزاء الكهربية فى أى منظومة مثل المولدات و المحولات و المواتير و الماكينات و خطوط الإنتاج…الخ
– نظم الحماية الكهربية Electrical Power System Protection
– نظم الجهد المنخفض و نظم القوى الكهربية بالمنشآت سواء السكنية و التجارية و الصناعية..الخ
– التحكم الآلى Automation و أهم أدواته مثل PLC و SCADA
– الإلمام بالمنتجات الكهربية مثل المحولات و المولدات و الكابلات و
اللوحات و القواطع و أجهزة الإختبار و القياس….الخ و تصميمها و طرق
تصنيعها و إختبارها و تشغيلها و صيانتها.
>>>أهم البرامج لمهندس كهرباء:
Autodesk AutoCAD
Autodesk AutoCAD Electrical
Autodesk Revit MEP
ETAP
Dialux & Dialux Evo
Relux
Ecodial
Matlab & Simulink
Solidworks
ـــــــــــــــــــــــــــ
>>> الأماكن اللي ممكن يشتغل فيها مهندس كهرباء:
نقدر نقول ان وظائف مهندسين كهرباء متوفرة فى كل الأماكن و الشركات و الهيئات و المؤسسات.
يمكن لمهندس الكهرباء أن يجد فرصة عمل فى الأماكن التالية:
– محطات إنتاج و توزيع الكهرباء
– شركات البترول
– المصانع بكل أنواعها
– شركات المقاولات
– المكاتب الإستشارية
– المستشفيات و الفنادق و القرى السياحية و المولات الكبرى و النوادى و البنوك
– جميع الهيئات الحكومية مثل الإسكان و الرى و البريد و التربية و التعليم و الصحة…الخ
ــــــــــــــــــــــــــــــــــــــ
>>> الدور اللى ممكن يقوم بيه مهندس الكهرباء؟ يعنى هيشتغل إيه فى الأماكن دى كلها؟
– مهندس تصميم جهد منخفض .
غالبا مجال عمله فى المكاتب الإستشارية و يقوم بعمل حسابات الأحمال و
التوزيع الكهربى لأنظمة الإنارة و الباور و التيار الخفيف.. هيقوم بعمل
حسابات الكابلات و القواطع Circuit Breakers و حسابات الvoltage
drop&short circuit يعنى هو اللى هيصمم شغل الكهرباء فى الخاص
بالمنشأ.
*********
– إعداد الرسومات التنفيذية shopdrawing و رسومات ال .As Built
و ده مجال عمله غالبا فى شركة المقاولات هيقوم باعداد رسومات الشوب دروينج
التفصيلية اللى هيتم تنفيذ أعمال الكهرباء بناء عليها و رسومات ال As
Built اللى بيتم اعدادها بعد الانتهاء من التنفيذ علشان توضح الأعمال كما
تم تنفيذها بشكل نهائى و اللى بتكون مرجع لمهندس الصيانة بعد كده.
********
– أعمال الموقع
مهندس الموقع ممكن يشتغل فى شركة المقاولات و ده هيقوم بالإشراف على عملية
تنفيذ أعمال الكهرباء و ممكن يشتغل مع الإستشارى و ده هيقو بإستلام
الأعمال من المقاول.
********
– أعمال المكتب الفنى و حصر و حساب الكميات و التسعير و المناقصات و إدارة العقود
*******
– مهندس الصيانة الكهربية:
و ده مجال واسع و يختلف حجم العلم و المهارة و الخبرة اللى بيحتاجها مهندس الصيانة حسب طبيعة و حجم المؤسسة اللى هيشتغل فيها…
يعنى مهندس الصيانة ممكن يشتغل فى شركة بترول كبرى أو محطات الكهرباء و دى
طبعا بتكون منظومة كهربية كبرى و حيوية و خطيرة و الصيانة الكهربية بتكون
من الأعمال الرئيسية و الخطيرة داخل المؤسسة.
و ممكن يشتغل فى المصانع فلا غنى عن أعمال الصيانة الكهربية داخل أى مصنع و يختلف حجم أعمال الصيانة و أهميته حسب حجم المصنع.
أيضا مهندس الصيانة يعمل بالمنشآت فى صيانة أنظمة الكهرباء بالمنشأ و ده
ممكن يشتغل فى مستشفى او بنك او قرية سياحية او فندق او نادى او اى هيئة
حكومية يعنى ممكن يتعين فى البريد او الرى او الاسكان او التربية و التعليم
او الصحة….الخ
.*********
– مهندس تصميم او انتاج او جودة فى المصانع
غالبا وظائف التصميم و التخطيط و الانتاج و الجودة فى المصانع هى خاصة
بمهندسين ميكانيكا و غالبا ما يكون عمل مهندس الكهرباء فى المصانع فى
الصيانة و لكن اذا كان المصنع ينتج منتجات كهربية مثل الكابلات او
اللوحات…الخ فيكون المصنع بحاجة لمهندسين الكهرباء فى اعمال التصميم و
البحوث و التطوير للمنتجات و الاشراف على انتاج المنتجات و ضبط الجودة و
اجراء الاختبارات اللازمة..الخ.
**********
– مهندس التحكم الآلى Automation
التحكم الآلى و أدواته مثل ال PLC & SCADA أصبحت من أهم سمات عصر
التكنولوجيا فلا يخلو منها خط انتاج حديث او ماكينة او محطة مياة…الخ و
مهندس التحكم الآلى قد يعمل فى التصميم و التصنيع او فى التركيب و الصيانة و
الدعم الفنى.
**********
– نظام إدارة المبانى BMS و البيوت الذكية
نظام إدارة المبانى هو نظام للتحكم الآلى فى أنظمة الكهرباء و الميكانيكا
فى المنشآت و مجال تطبيقه يكون فى المشروعات الكبرى مثل الفنادق الكبرى او
المستشفيات او المقرات الادارية الكبرى..الخ و هو من المجالات الحديثة و
المتميزة التى يمكن ان يعمل بها مهندس الكهرباء
********
– الطاقة الشمسية
لا شك أن توليد الكهرباء من الطاقة الشمسية أصبح محل حديث و اهتمام العالم
اجمع و بالتالى كلما خرجت ابحاث الطاقة الشمسية الى النور و تم البدء فى
تحقيقها على ارض الواقع كلما وجدت فرص عمل جديدة لمهندسين الكهرباء.
**********
– مهندس مبيعات Sales engineer
ممثل المبيعات لا غنى عنه فى أى مؤسسة بتبيع منتج او خدمة و أى حد ممكن
يشتغل فى المبيعات زى ما كلنا عارفين.. لكن لو الشركة بتقدم منتجات زى
الماكينات و الآلات و المعدات و المكونات الهندسية و الاجهزة…الخ بتحتاج
ممثل المبيعات يكون مهندس متخصص ميكانيكا او كهرباء او هندسة طبية…الخ
حسب طبيعة المنتجات علشان يقدر يكون فاهم المواصفات الفنية الخاصة بالمنتج و
يقدر يتعامل مع الكتالوجات و المراجع الفنية الخاصة بالمنتجات دى.
>>>>>> نصيحة أخيره.
و
بعد ما عرفنا أهم وظائف مهندسين الكهرباء و مجالات العمل النصيحة اللى
بنقدمها انك تحاول تحدد هدفك و تركز فى مجال و تكون متميز فيه حتى لو هتعرف
فى اكثر من مجال المهم يكون فى مجال بتاعك و يعتمد عليك فيه.